ابيات ابوذيه الى السيده الطاهره ام البنين عليها السلام

 ـــــــــــــــــــــــــــــــــــــــــــــ

 

ابيات ابوذيه الى السيده الطاهره ام البنين عليها السلام

 

أنــه بمهــدك نــذرتـك يمه لحسين

شحلاتك وانته واگـف يم الحسين

أذا تــوگــــع أنــــادي يمه الحسين

فـــدوه الطـــاح دونــــك عالــــوطيــه

*

عفه گلبي شحمل طعنـــات ويـــروح

بغيابك مــا بعــد ظل حيل وي روح

تمّنه الطف يگصده آوياك ويــروح

ودونــــك كــــون تسحگني اعـــــوجيه

♠️♠️♠️♠️♠️

ضعنهم راح شــــال الــروح ويـــــــاه

ودليلـــي أبنــــار لمَن ســـار ويـــــــاه

على ابن الزهــره اصيحــن آه وي آه

وأگـــل عباس افــــدي ابن الـــــزچيــه

♠️♠️♠️♠️♠️

الشاعر

موسى البديري

 

ـــــــــــــــــــــــــــــــــــــــــــــــــــــــ

نعي

 #نعي

أفــز وأتـذكـرچ بـالـلـيـل

                وتــســعــــر نــار دلاّلـي

بـعـد شينشف ادمـوعـي

                وموحش بيتنه وخـالـي

اطـب الحـجـرتـچ ضلمه

               وصـورّچ تـلـتــم أبـالـي

رحـتـي ابـسـاع يـايـمـه

                وموتچ حـلـم حـسبـالـي

بعدنـي ابـعـازت الـيـمـه

                 وغـابـت زهــرة أمـالـي

ابتدت دمعاتي يالـزهـره

                   وراح اتـعـيش لـلـتـالـي

ادري ابلحظه ما انـسـه

                 وأدري الـنـوح يحـلالـي

بجروحـي اصـد لـلـبـاب

                وأسـمـه ايغيّر احـوالـي

يـذكرّنـي لـمـن دفـعـوه

                اشما هَـزّه الهوه الـعـالـي

بـعـد هـيـهـات نـتـلاگــه

               واغـفـه بحظنچ الـغـالـي

مشيتي وضلت الحسرات

               كـلـهـه ودمّـعتـي اتـلالـي

#ابوذيه

أيـات الــحــزن دهــري  .. تلالي

وشـريان الگلب بُـعـدچ  .. تلالي

مشيتي وضلت الدمعـه  .. تلالي

ومـضلـمـه الدار يالـزهـره عـليـه

✍خـادم الـزهـراء ع

الشاعر رعد الجريخي

#اللهم_عجل_لوليك_الفرج

قصة ابوذيه

 قصة ابوذيه

__________

حجيه من العماره كانت تحب في صباها شاب

وعشقته بجنون ولكن لم يكن من نصيبها 

فتزوجت في النجف وبعد مرور 60 عام 

اخبروها احفادها قالو لها

 حبوبه حبوبه ........نزل يمنه جار من العمارة

كالت هلا بريحه اهلنا وشهكت صباي

 فسالت احفادها اي حبوبه شسمه جارنا الجديد 

فا اخبروها باسمه الكامل فعرفت هذا الشخص كأن ولفها

فقالت ........

عليك الدمع مثل السيل ......... ياراي

 ويا فكر البقه بالراس ...........ياراي

بعد هل عمر ولفي يصير........ياراي

عجوز وردت العشرين ..........بيه 😞

قصة ابوذيه

 محاوره بين عشيقين(ابوذيه)

هو:

عليّ ثوب الونـين اشكثـر .. حالي 

شباب وها لشبت مـن دون .. حالي 

انشدچ على احوالچ مثـل .. حالي 

طايح والهموم اتشيل بيـه 

هي:

هموم هواك ما خلن .. علي حال 

فريضة وحبك من الله .. علي حل 

يالتنشد على حالي .. عل اي حال 

شيفيد النشد عالصار بيه 

هو:

الج بس انتي گلبي .. ورجيته 

ودمع العين يمـچ .. ورجيته 

ابتعد كلمن نخيته .. والرجيته 

ولا واحد اجاني وحـن عليه 

هي:

رعيتك ليش گلبــك .. ما رعاني

ويهمك فت دليلـي .. وما رعاني 

مره احبس بدمعي .. ومره اعاني 

ومره اتطيح روحي ابين اديه 

هي:

لتهم بالعمر خلصـــان .. وحـــــده 

وأنا ضعني سرى بهواك .. وحـده 

حلت چنها بعيونـك غير .. وحـده 

وگمت لاتسأل ولاتمـر بيـه 

هو:

غيرچ ماحلى ابعينـــــي .. ولاطاب 

ولا دونچ دخل گلبــــــــــــــي .. ولاطاب 

يجرحي وياچ ماهَّــــــــــــود .. ولاطاب 

دم ينزف ولا تدريــن بيـه ..

✍️ العندليب الاسمر 🥺🥺